Thursday 28 May 2015

Microsoft Azure الفخامة كلها :D

في البوست اللى فات اتكلمنا عن معنى ال Cloud  وفهمنا فوايده 
دلوقتى بقى هنعرف مع بعض الطريق عشان نشتغل على الCloud 
في 1 فبراير 2010 شركة مايكروسوفت اعلنت رسميا عن منصتها لل Cloud وكان باسم Windows Azure 
وفي مارس 2014 بقى Microsoft Azure 
ايه دا بقى وايه نظامه هوا اللى هنتكلم عنه حالا :D 
http://azure.microsoft.com/en-us/  دا Azure 
دا عبارة عن واجهه مايكروسوفت لل Cloud  ومن خلاله تقدم تدخل على عالم من الخدمات اللانهائية 
- طيب ايه الخدمات اللى بيقدمها Azure ؟
- دا سؤال صعب اوى :D 
ببساطة خالص Azure بيقدم كل خدمات ال Cloud  اتكلمنا عليها البوست اللى فاتت بس تعالو نفصل شوية هنا 
  • WebSites اول حاجة بيقدمها Azure هيا خدمات الويب ودى من خلالها تقدر تعمل Host او Publish للويب سايت بتاعك 
    - طيب وايه الفرق بينه وبين اى حاجة بتعمل عليها Host
- اقولك يا سيدى الفرق انك هنا في Azure تقدر عمل هوست لاى ويب سايت مهما كانت اللغة اللى تم تصميمه بيها ASP.Net او PHP او لغة ايا كانت غير في العادى بتحتاج تدور على هوست مناسب للغة اللى انت كاتب بيها 
مش كده وبس لا دا انت كمان بتختار حجم السيرفر اللى هتستخدمه على حسب عددد الناس الللى هيدخلو عندك ووبكده هتدفع اقل تكلفة ممكنه 
- طيب ما انا اكيد مش هعرف عدد الناس اللى هيدخلو وكده لو حددت عدد وزاد عنه كده السيرفر هيقع :( 
- لا مش هيقع ساعتها Azure اتوماتك هيفرع امكانيات السيرفر بتاعك ويبعتلك reminder بكده 
  • Virtual machines دى بقى الاهجزة الافتراضية تقدر من خلال Azure انك تعمل اى عدد منها وباى نظام تشغيل وباى امكانيات انت محتاجها .
  • Cloud services دى خدمات الCloud اللى من خلالها تقدر تعمل Hosting بس مش للويب سايت لكن للبرامج وتوتخلى الناس تقدر تستخدمها على الانترنت مش ع الاجهزة ومثال على كده Office 365  ودى كمان متحاة بلغات البرمجة المختلفة يعنى الموضوع بكل الاحوال مش مقتصر على Microsoft technologies خالص

  • Data management  من خلال Azure تقدر تدير اى داتابيز عندك او اى قواعد بيانات تمتلكها وومتاح عدد من الاضافات عليها زى    
  •       SQL Database
    • Tables
    • BLOB Storage
    • Azure Search
    • Document DB
    • Redis Cache
    • StorSimple
وهنتكلم بالتفصيل عن كل دا قدم في جزئية الداتابيز
  • Business Analytics كمان Azure بيقدملك تقراير لكل شغلك سواء داتابيز او غيرها 
    • SQL Reporting
    • Data Marketplace
    • - HDInsight is Microsoft's cloud based Hadoop distribution
    • Azure Machine Learning - Cloud-based predictive analytics and publishing of APIs on the cloud
    • Stream Analytics
    • Event Hubs
    • Data Factory 
Business وبرضو هتمكلم عن كل حاجة بالتفصيل على جزيئية ال B
  • Identity اى شركة بيكون عندها حسابات للعملاء والموظفين ولازم تكون في طرق عشان تعرف الشركات دى ان اصحاب الحسابات دى هما اللى بيدخلوها مش حد بيحاول يخترقهم وكمان تحمي نفسها وعملائها من اى حاجة من دا ودا يكون عن برضو متوفر في Azure وعن طريق اكتر من حاجة زى
    • Active Directory
    • Rights Management
    • Access Control Service
    • Multi-Factor Authentications
  • CDN  ودى الخدمة اللى تقدر تربط بيها شغلك في اكتر من منطقة جغرافية مهما كانت فين ودا بيسهل كتير جدا ع الشركات المالتى ناشونال
  • Mobile Services ودى من خلالها تقدر تعمل خدمات واضافات للابلكشنز وخصوصا اللى بتشتغل ع الموبيل وتقدر تبعت نوفيكشن او اى حاجة انت عاوزاها 
  • Developer وكمان حاجة مخصوصة بالمطورين 
    • Visual Studio Online
    • Application Insights
وبكده عرففنا ايه هوا Azure 
وايه اغلب الخدمات اللى يتقدمها مايكروسوفت من خلاله 
اازاى بقى نعمل اكونت ونشوف العالم دا من جود دا اللى هنعرفه ان شاء الله البوست الجاي ;)

يعنى ايه Cloud Computing o.O

Cloud Computing 
حوسبة سحابية :D 

مصطلح حير ناس كتير جدا وناس اكتر مش فاهمه معناه لحد دلوقتى 
من حلال البلوج دى ان شاء الله هنفهم من بعض معنى الكلمة دى وايه البوابات اللى ممكن من خلاله نستغل ونستخدم حاجة جامدة زى كده 

ال Cloud  دا عبارة عن تكنولوجى يتم توفيرها تحت طلب العميل في اى وقت وباقل مجهود  وباققل تكلفة  (بالايجار من الاخر يعنى)
- لا مؤاخذة مش فاهم 
- بسيطة تعالى معايا كده نشوف مثال بسيط تخيل شركة كبيرة اسمها X الشركة دى عندها عملاء كتير جدا وشغلها واسع وكبير جدا اكيد عندها داتا بيز او قواعد بيانات كبيرة جدا وكمان اكيد عندها مواقع انترنت خاصة بيها وحسابات ودنيا بحالها 
تخليل الشركة عندها اد ايه سيرفرات Servers 
- معلش يعنى ايه سيرفر ؟ 
- Server سا سيدى دا عبارة عن كومبيوتر بس كبير شوية حاجة كده ضخمة ممكن تكون اد تلاجة 12 ادم او اتنين او اوضة او اكبر فايدته انه بيكون فيه امكانيات عالية جدا جدا بحيث عدد كبير من الناس تقدر تستخدمه في نفس الوقت بيكون فيه Prossers كتير وعالية جدا وكمان Ram اكتر وكل سيرفر بيكون ففي مساحة هارد برضو ضخمة (بالتيرا ودلوقتى بالالفا) 
- تمام يعنى اكيد الشركة X بقى عندها سيرفرات كتير عشان اكيد عندها عملاء وناس كتير بتدخل عندها ايه المشكلة بقى ؟
- تخيل معايا الشركة اشترت السيرفرات دى بكام 
- اكيد بفلوس كتير طبعا 
- طيب تخيل كمان الشركة دى بتصرف كهربا وصيانة ودعم فنى وناس تشغل السرفرات دى اد ايه ومش كده وبس تخيل الشركة كمان بتشتغل كام يوم في الاسبوع  وكام ساعة في اليوم ؟
- اغلب الشركات بتشتغل 5 ايام و وممكن 7 ساعات في اليوم 
- جميل جدا طيب انت عارف كده الشركة بتسخدم السرفرات بتاعتها دى 35 ساعة في الاسبوع ! يعنى يوم ونص شغل في 7 ايام ! ومع ذلك دفعت كل المبالغ دى في الهاردوير الضخم دا 
لكن مع ال Cloud الشركة مش محتاجة انها تعمل كدا خالص ... كل اللى محتاجة انها تعمله انه يبقى اكونت عند شركة بتدعم خدمات الكلاود وبتحجز عندها مساحة وسيرفرات بالامكانيات اللى تنساباها وتحساب بس على هيا بستدخمه يعنى هتشتغل يوم هتشغل ساعة هتشغل 10 براحتها وهوفر المكان والكهربا والناس والوقت 
ودا اهم مبدا من مبادئ الCloud 
Pay only for what you use يعنى ادفع بس على اد اللى انت بتستخدمه وهنتكلم اكتر عن الموضوع دا قدام 

- طيب فهمنا دلوقتى ان الCloud  دا عبارة عن مصطلح معناه امكانية توفير مجموعة ضخمة من الخدمات عن طريق الانترنت وبدون اى قيود بالموارد المحلية 
وبتشمل حاجات كتير زى مساحات لتخزين البيانات بكافة صورها (فيويو، صور ، العاب ، برامج ......الج) 
وكمان امكانيةعمل نسخ احتياطية منها في اى وقت والمزامنة وخدمات البريد الاليكترونى والبرمجيات وحاجات كتير 
وال Cloud عموما بتقسم ل 3 حاجات احفظهم زى اسمك :D 
1-  PAAS (Platfom as a service ) 
2- IAAS (infrastructure as a service )
3- SAAS (Software as a servicr )

يعنى ايه الكلام دا بقى 
ببساطة خالص اول Platfom as a service دى يعنى ان في بيئة كاملة لل developers او المطورين يعنى انهم يشتغلو على ال Cloud ومن خلاله يقدرو يطورو برامج او يصممو مواقع او يطورا خدمات ومثال على كده Microsoft Visual Studio online 


التاينة infrastructure as a service ودى بقى معناها انه تقدر انك تعمل قاعدة كاملة لشغلك وتختار اجهزتك وامكانيتها واى داتابيز انت محتاجها وتمعمل بنية تحتيه ليك باستخدام ال Cloud وكذلك تعمل Hosting او استضافة للمواقع بتاعتك وكذلك تعمل Virualization واى حاجة من تحتاجها في البنية التحتيه بتاعتك 

التالتة بقى Software as a servicr  يعنى انك تقدر تستخدم برامج اونلاين وتقدر تشوف شغلك من غير ما ستتخدم برامج على جهازك الشخصى يعنى مثلا لو معاك ملف Word او Pdf تقدر تفتحه وتصصفحة وتعدل فيه كمان على الانترنت ومن غير ما يكون عندك برامج تفتح الملفات دى على جهازك وابسط مثال على كده Onedrive و Office 365 

وهتنكلم بالتفصيل عن كل دا قدم ان شاء الله 

ايه اللى من خلاله تقدر توصل لكل الخدمات الهايلة دى واللى هتكلم عنه كتير جدا هوا Microsoft Azure 
يعنى ايه Microsoft Azure دى سا سيدى الوسيلة اللى تقدر من خلالها توصل لكل اللى حكينها عنه فوق 
طيب ازاى نستخدمه وازاى نقدر نتعامل معاه هوا دا الهدف الرئيسي من البلوج دى واللى هتعلمه في البوستس الجاية ان شاء الله